Blog feminista. Web de herstory. Diario de una emigrante en Rumanía
O feminismo católico en Galiza está de loito pola perda de Engracia Vidal
A comunidade católica galega está afundida no luto trala perda de Engracia Vidal Estévez, destacada teóloga e fundadora da influente revista «Encrucillada». Aos seus 93 anos, Vidal deixou un legado que non podemos esquecer na loita polos dereitos das mulleres e na promoción da igualdade dentro da Igrexa. Neste artigo de Sen Enderezo faremos un breve repaso polo traballo de décadas de Engracia Vidal.
A cidade de Pontevedra foi o escenario do emotivo adeus a Engracia Vidal, onde amigas e familiares se congregaron no Colexio do Sagrado Corazón de Placeres para render homenaxe a esta figura clave do feminismo católico galego. Aínda que as campás non repican nas catedrais, o impacto do seu legado resoa na comunidade diocesana.
A partida de Engracia Vidal deixa un baleiro significativo no movemento feminista dentro da Igrexa Católica galega.
Como fundadora da revista «Encrucillada» (1977 – actualidade) e da Asociación das Mulleres Cristiás Galegas, a súa influencia foi vital na articulación e promoción dos dereitos das mulleres no ámbito relixioso.
Quen foi a feminista cristiá Engracia Vidal?
Nada en Cambados, Vidal foi unha destacada activista contra a pobreza e unha defensora incansable da igualdade. A súa participación na fundación da Asociación das Mulleres Cristiás Galegas, así como na iniciativa «Romaxes de Crentes Galegos», consolidárona como unha líder comprometida naloita por un espazo máis inclusivo na Igrexa.
Este movemento procura abordar cuestións de discriminación e desigualdade de xénero dentro da estrutura e práctica da relixión católica, defendendo unha maior participación das mulleres en roles de liderado na igrexa e unha abordaxe máis inclusiva das súas preocupacións e perspectivas.
As seguidoras do feminismo católico poden participar en actividades como a defensa por unha maior representación feminina na xerarquía da igrexa, a promoción dos dereitos das mulleres dentro das comunidades católicas e a promoción dunha teoloxía que recoñeza e valore as contribucións das mulleres á fe católica, ao mesmo tempo que buscan conciliar as súas crenzas feministas cos ensinamentos e tradicións da Igrexa Católica.
A traxectoria feminista de Vidal entre Pontevedra e Ferrol
Con formación en Historia en Madrid, Engracia Vidal desempeñou un papel decisivo no Colexio Praceres de Pontevedra, onde foi directora entre 1961 e 1965. Posteriormente, a súa residencia trasladouse a Ferrol, desde onde contribuíu como secretaria de «Encrucillada» e doou a súa biblioteca persoal a unha iniciativa cultural na cidade.
Voltou a Pontevedra en 1981, xa sen hábitos, levouna a exercer como profesora de lingua galega no IES A Xunqueira ata a súa xubilación. A «familia de Encrucillada» destaca o seu papel crucial no impulso da revista durante os seus primeiros 30 anos, subliñando o seu compromiso coa fe, a cultura e o movemento feminista.
En palabras dunha discípula, Engracia Vidal foi «unha grande animadora da fe e da galeguidade, cun gran compromiso coa cultura, o movemento feminista e as persoas máis desfavorecidas». Galiza despede unha voz valiosa cuxo impacto vai máis alá do que somos capaces de recoñecer.
Aquí estamos as que non calamos, aínda que sexa dende un modesto portal feminista chamado Sen Enderezo. Cada domingo, podes ler unha publicación en galego ás 19:00, horario local. Tamén hai dispoñibles artigos en portugués, bótalle un ollo!
Esta a loita contra a contaminación na ría de Arousa en Galiza. As asociacións de mariscadoras e outros grupos traballan para visibilizar este grave problema e protexer o ecosistema en perigo. Axuda a preservar a biodiversidade da ría.
Palmeira, tras o feminicidio de Andrea Yturry, alza a voz nunha concentración convocada por Mulleres en Acción. Centos de feministas uníronse para condenar o crime e esixir acción inmediata dos gobernos contra as violencias machistas. Este é o eco dunha comunidade decidida a facer fronte á lacra.
As limpadoras de Lugo, despois de catro meses de loita, conseguiron un aumento salarial do 18 % até 2026. A nova cláusula garantirá que ningún dos 1800 traballadores, maioritariamente mulleres, gañen menos do salario mínimo. Unha vitoria que destaca nun sector marcado pola precariedade laboral.
Socióloga, feminista e inmigrante en Rumanía. Hija de Mabel, nieta de Alicia y Áurea. Soy SEO copywriter, vivo de la escritura y de posicionar contenido en Google. Nací en un pueblo de Pontevedra (Galiza), en 1994, y durante un tiempo fui Belén de ANHQV, una millennial con más empleos que la Barbie. Aunque sabía que "lo mío" era la herstory.
Este interés nació en las clases de Pilar, mi profesora de Ciencias Sociales de 2ºESO, quien insistía en mostrarnos qué pintaban las mujeres en la historia. Luego vinieron las lecturas violetas de la mano de mis profes de Lengua y Galego, Rosa y Noemí.
Ya en la uni, me tiré al monte. Ahí fue cuando parí Sen Enderezo (abril del 2014), una web feminista que intenta "evangelizar" y darte argumentos para cerrarle la boca a tu cuñado en Nochebuena.
Somos muy cosmopolitas, tenemos artículos en español, galego, català, euskera, English, português y limba română. La mayoría escritos por servidora, pero también he contado con colaboradoras.
* Sí, el contenido es gratis, pero tienen autora conocida. Hacer copy-paste está feo. A mí me gusta que me citen así: O. Sánchez, Laura (año). Nombre del artículo y link.
* Contacta conmigo en sen.enderezo@gmail.com o deja un comentario para que todas podamos verlo.